Sakkie Parsons Email Ministry

Testimonials

30 Oct 2013

Sakkie baie dankie vir die insigte wat jy met ons deel.  Weet jy, self vir 'n kind van die Here is dit soms so moeilik om te onderskei.  Ons word so verwar en dan is dit so wonderlik om jou stukkies te kry waar jy uit die Woord met ons deel.  Die gee van 'n tiende is vir my 'n baie seer saak, want ek het nie 'n tiende om te gee nie, en het daarom opgehou om kerk toe te gaan.  Dit voel vir my as ek nie my tiende kan gee nie hoort ek nie in die kerk nie, en nou wil dit vir my klink of jy vir my uit die Woord die versekering gee dat ek met 'n ope gemoed minder as 'n tiende kan gee en nog steeds geestelike samesyn met die gemeente kan geniet.

Dit sal wonderlik wees. Ek kry vreeslik skaam omdat ek nie die middele het om te gee nie, maar is ook baie dankbaar vir wat ek wel het.  Ek weet God voorsien in elke behoefte en ek lewe ook so.  Dis net die tiende wat my, my kop in skaamte laat sak, want ek voel minderwaardig omdat ek nie ‘n tiende het om te gee nie.

Baie dankie vir jou wysheid.

Vriendelike groete

Leonie

25 Oct 2013

Liewe Sakkie

Ek is n onderwyseres by Scottburgh Primere Skool aan die Suidkus.

Ek wil net vir jou baie dankie se vir die pragtige briewe wat ek van jou ontvang. Dit is so inspirerend en dit voed my siel so, nogmaals baie dankie.

Somtyds as ek moedeloos of hartseer of bly voel en ek lees jou briewe dan is dit asof daardie spesifieke briefie wat ek die dag lees, spesiaal net vir my geskryf is. Dankie vir die wonderlike werk wat jy vir onse Here Jesus doen.

Groete,
Marie Lamprecht

08 Oct 2013

Liewe Sakkie,

Baie dankie vir jou gereelde e-posse, jou boodskappe is altyd so inspirerend.

Dankie dat jy nog tyd maak om mense wat jy glad nie eers ken nie, te raak!

Baie groete

Elsa

04 Sep 2013

Hallo Sakkie

Baie dankie vir die moeite wat jy doen met die e-pos bediening. Elke boodskap help my op 'n ander gebied!

Ek waardeer elke boodskap wat jy deel onder die leiding van die Heilige Gees.

In Christus....

Adri Pretorius

08 Jul 2013

Môre Sakkie

Baie dankie vir jou hulp met my vraag na "Sal ons mekaar in die hemel herken". Toe ek my ore uitgeleen het aan mense wat vir my vertel het dat ons nie mekaar gaan ken nie, het ek baie geworstel daarmee, en danksy jou Groter Insig kan ek nou berusting vind.

Ek kan nie genoeg dankie sê vir hierdie e-posse wat ek ontvang nie, ek leer elke liewe keer iets daaruit.

Ek het ook vandag jou e-pos adres aan van my vriende gestuur sodat hulle net so opgewonde kan word soos ek wanneer ek sien daar is 'n e-pos van jou.

Groete,
Hermien Pieters

08 Jul 2013

Hi Sakkie,

Baie dankie vir jou altyd inspirerende woorde. Jy het die gawe om mens te wil laat lag en huil op dieselfde oomblik!

My bietjie selfbejammering wat ek 'n kort rukkie tevore ervaar het, is sommer daarmee heen.

Jy is vir my 'n inspirasie.

Stem saam dat iemand wat ons Here nie ken nie, net te veel arm van gees is.

Kan jy jou indink hoe dit moet voel?

Ek vind soveel aanklank by wat jy altyd vertel en ons ander so inspireer, ten spyte van jou eie kruis wat jy dra.

Elize

08 Jul 2013

Goeie More Oom Sakkie,

Ek geniet Oom se skrywe verskriklik baie en leer elke dag iets nuuts! Dis voorwaar 'n voorreg om Oom se dagstukkies te ontvang en die verborge manna wat ons HERE aan Oom openbaar te kan geniet saam met ander kinders van die HERE.

Mag die HERE Oom nog nader aan Hom trek sodat ons wat volg die voorreg kan geniet om uit Sy onuitputlike bron van wysheid en liefde te leef !!

Blessings, 
Chris Porter

08 Jul 2013

Hallo Sakkie,

My naam is Pieter Henning. Ek wil net baie baie dankie se vir die boodskappe wat jy elke nou en dan vir ons stuur. Baie Dankie vir die wonderlike werk wat jy vir ons VADER doen om SY boodskap oor te dra aan ons en dit maklik verstaanbaar te maak vir ons. Ek waardeer dit opreg en dit is 'n riem onder die hart vir my om sulke mense soos jy te ken. Elke boodskap beteken baie vir my en help my deur die dag.

Baie liefde vir julle. Mooi bly en stuur groete aan jou gesin.

Pieter Henning

08 Jul 2013

More. Sakkie.

Weereens dankie vir al die emails. Soms voel dit vir my of jy te min emails stuur. Ek lees dit oor en oor. En nou weer die een oor die kruis. Ek het my kamer se tema kruise gemaak. En weet jy as ek kyk dan besef ek dat dit is nie die selde kruise waaraan Jesus vir ons gekruisig is nie maar dit herinner my altyd waardeur Jesus vir ons gegaan het om te sterf vir ons sondes. Dankie vir als ek wardeer elke email.

Jy is n ster.

Isa

08 Jul 2013

Hi Sakkie,

Ek waardeer hierdie e-posse baie. Jy het al soveel van my vrae beantwoord sonder dat ek gevra het. Wanneer ek jou e-posse lees gee dit my 'n kalmte om te weet ons Vader sorg vir ons.

Ek is so dankbaar dat ons Vader jou op my pad gebring het. Jy is werklik 'n "awesome" mens, 'n ware kind van ons Vader.

Liefdegroete, 
Elfrancine

Pages

“To him who is able to keep you from stumbling and to present you before his glorious presence without fault and with great joy – 25 to the only God our Saviour be glory, majesty, power and authority, through Jesus Christ our Lord, before all ages, now and forevermore! Amen." Jude 1:24-25