Sakkie Parsons Email Ministry

Testimonials

20 Jun 2016

Goeiemôre Sakkie,

Baie dankie vir jou skrywe aan my oor:  “Hoe weet ek  of ek n kind van God is.”   Ek het dit baie geniet, en so baie vreugde daaruit geput.

Baie dankie vir al jou skrywes, dit is voorwaar n ‘eye opener’ , ek kon nog elke keer wat jy vir my iets gestuur het, groei in my lewe met ons Here en weet verseker dat Hy my Vader is en dat Hy baie lief is vir my.

En die beproewings wat in my lewe gebeur my net sterker en wyser maak, en my nog nader aan my Vader bring, en dat  niks my kan skei van die liefde van ons Here nie.

Jy het n wonderlike gawe van ons Vader ontvang en ek glo jy lei soveel mense na ons Here toe sonder dat jy daarvan weet, mag Hy jou seën in hierdie wonderlike diens wat jy aan jou medemens lewer, jy doen wonderlike werk.

Baie seën en liefde vir jou en jou familie.

Liefde groete

Fransie

Die gedagte uit die Woord waaroor Fransie skryf se naam is:

Hoe weet ek dat ek ‘n kind van God is.

15 Jan 2016

Sakkie,

Ek gaan die einde van die maand met pensioen. Kan jy asseblief in die toekoms die boodskappe stuur na : (dan volg Jimmy se adres) Ek wil baie graag nog die boodskappe van jou af ontvang want dit is vir my van uiterste belang ! Die Here is vir my baie, baie goed ! Jou boodskappe is vir my lig op die pad ! Ons bid vir jou en jou vrou asook vir jou gidshond !

Shalom,

Jimmy Marx

11 Jan 2016

Goeie Môre Sakkie

Baie dankie vir die skrywe oor die mooi prentjies van Jesus wat op die internet rond gestuur word.

Hierdie was nou die spreekwoordelike “eye opener”.  Ek het nog altyd Jesus voorgestel as hierdie prentjie mooi mens.  My vergelyking het gekom deur na mense te kyk wat die liefde en vrede van Jesus in hulself omdra en uitstraal.  Daar is net iets onbeskryflikste mooi omtrent sulke mense – en ek glo vandaar die prentjie mooi Jesus.

Baie dankie vir hierdie insig en ek glo dit is waar die spreekwoord van die “Engelsman” vandaan sal kom: “Beauty is in the eye of the beholder”.  Vir my sal Jesus ongeag die nuwe openbaring die mooiste mens in my hart bly.

Regards

Marie Venter

Die gedagte uit die Woord waaroor Marie skryf is:

Julle het mos die vorige mens en sy praktyke soos klere uitgetrek

06 Nov 2015

Goeiemôre Sakkie,

Ek sit hier by die werk, nie baie lus nie … toe gaan ek op jou web, en lees jou skrywe oor ….. ‘Let us practice what we preach.’

Ek kan nie glo daar is mense wat nie glo dat ons nie meer onder die wet staan nie maar dat ons nou onder die genade van God staan, omdat Jesus vir ons gekruisig en gesterwe het nie.

Kan jy asseblief vir my hierdie skrywes van jou stuur …..oor die Sabbat en oor ons tiende .

Ek put so baie wysheid uit jou skrywe.  Hou aan om jou bediening wat ons Vader vir jou gegee uit te leef . Jy is ‘n inspirasie vir ons almal, my kinders geniet dit so as ek hulle vertel wat Sakkie vandag weer vir my geopenbaar het in die woord.

Hoop dit gaan goed en wel met jou vrou, en baie sterkte met haar versorging .

Groete,
Fransie

Die gedagte uit die Woord wat Fransie gelees het was:

LET US PRACTISE WHAT WE PREACH

Die twee gedagtes uit die Woord wat Fransie aangevra het is:

WATTER DAG IS DIE SABBAT, SATERDAG OF SONDAG

en

OOR TIENDES

07 Oct 2015

More Sakkie ,

Ek is so bly ek het  my twee probleme met jou bespreek, ek het nou vrede in my hart dat ek  op die regte pad is met my siening oor al die vreemde goed.

Ek het die inligting en al jou ander e-posse baie geniet, en so baie vreugde daaruit geput om dit te lees.

Ek sien uit daarna om elke dag jou e-pos te ontvang, hou aan met hierdie wonderlike bediening wat jy van ons Vader ontvang het, en baie seën en sterkte vir  jou en jou gesin.

Groet en seën

Fransie Boshoff.

Die twee gedagtes uit die Woord wat vir Fransie van nut gewees het is:

Ek is klein gedoop, moet ek weer gedoop word.

Aan elkeen word die openbaring van die Gees gegee met die oog op wat nuttig is

15 Jul 2015

Goeiemore Sakkie

Ek kry gereeld jou stukkies en wil net baie dankie se vir die een oor: ‘Die onderskeid tussen siekte en bose geeste.’  Ek lei aan depressie wat my van tyd tot tyd regtig onderkry. In so 'n mate dat dit my huwelik verwoes het en ek nou deur 'n egskeiding gaan en baie worstel oor hoe ek die toestand kan oorkom en verder aangaan met my lewe. Jou skrywe het so baie vir my beteken. Hou asb aan om die Woord van God en ons Here Jesus vir mense soos ek oop te breek.

Pragtige dag vir jou.

Groete,
Rosa

Die twee gedagtes uit die Woord wat hier ter sprake is:

“Die onderskeid tussen siekte en bose geeste”

“Hoe ek na depressie kyk”

08 Jul 2015

Ai Sakkie, baie, baie,, baie dankie dat jy my rustigheid gee hier! En balans! Ja, verseker weet ek elke keer wanneer ek iets van jou lees hoekom ek so aanklank vind by jou gees, dis omdat die Heilige Gees jou oor my pad gebring het omdat ek jou wysheid in God in baie gevalle so broodnodig sou kry!

Dankie Sakkie, en weet jy wat. Dis rêrig satan wat mens nou weer wou verblind en laat skuldig voel oor iets wat toe nou nie nodig was nie!

Mens moet die Woord alleen vertrou, glad nie wat ander predikers alewig kwyt raak nie! Mag jy 'n heerlike geseënde week hê!

Vriendelike groete,
Karin Snygans

Die gedagte uit die Woord waaroor Karin skryf se naam is:

Nou gaan ek jou dalk skok (oor Lotery/Lotto)

07 Jul 2015

Môre Pastoor,

Ek skep so moed in die skryfstuk van u. Die Here ken my hart en na gister was ek so moedeloos bekom het in my wag op die Here. Maar dankie dat God u vandag weer kan gebruik het om my te laat verstaan dat spesiale vroue deur hierdie toets kan kom met die wete dat God gaan deurkom in sy tyd.

Kan u asseblief vir my ‘Kinderloosheid’ stuur.

Baie Dankie.

Die Here seën u en u bediening.

Lucinda Steyn.

Die gedagte uit die Woord wat Lucinda gelees het was:

My antwoord vir iemand wat nie kan swanger raak nie.

Die skrywe wat sy aangevra het, wat oor dieselfde onderwerp handel is:

Kinderloosheid

02 Jun 2015

Liewe Sakkie,

Baie dankie vir al die pragtige boodskappe wat ek so gereeld van u kry. Dit beteken geweldig baie vir my.

Hierdie gedeelte..Here dit kan ek sien...is net so treffend...en die lied daarby ...so mooi en so opreg...baie dankie...waardeer dit dat ek dikwels jou boodskappe kry en oor en oor mag lees...

Mag Ons Vader u en u gesin werklik seën...

Groete,
Mari

Die gedagte uit die Woord waarvan Mari praat is:

Here dit kan ek sien

14 May 2015

Môre Sakkie

Sjoe dit is nou interessant, ek het altyd gewonder hoekom die Here die boom vervloek as dit nie vrugte tyd was nie, dit het half onregverdig geklink, maar nou verstaan ek wat jy bedoel. Jou lied is pragtig.

Groetnis vir jou

Annalise Botma

Die lied se getuienis waarvan Annalise praat se naam is, “Die vyeboom.” 

Pages

“To him who is able to keep you from stumbling and to present you before his glorious presence without fault and with great joy – 25 to the only God our Saviour be glory, majesty, power and authority, through Jesus Christ our Lord, before all ages, now and forevermore! Amen." Jude 1:24-25